138
Malmok/Westpunt – Diadomingo anochi den careda di 7:45 p.m polis a wordo pidi na Malmok, unda un auto a dal contra un cura di cas kibrando esaki.
Na yegada di polis e vehiculo no tawata tey, esta cu ela bandona e sitio cu ta haci e caso un Hit and Run.
Polis a keda tira bista rond den e vecindario y despues di algun rato a bin haya e vehiculo.
Esaki a wordo haya ariba parkeer plaats di Gold Coast. Lo tawata trata di un Jeep Liberty color blauw.
Polis a constata e sla “fresco” na e auto. Segun nos a compronde na stuur lo tawata un dama, pero no a haye na e sitio.
No a keda nada otro pa polis pidi pa un Takelwagen y asina hiba e auto warda di Balashi pa mas investigacion.