ORANJESTAD, Aruba – Durante di un rueda di prensa na Camacuri, Sra. Gina Habibe, Executive Director di Aruba Bank, a anuncia e First Aruba Bank GTP International Tennis Tournament cu lo tuma luga na Aruba Racquet Club for di 11 di October te cu 19 di October, 2019.
Deporte ta un di e areanan mas conoci den comunidad cu Aruba Bank ta aporta na dje banda di Cultura, Educacion y Salud. Pues pa Aruba Bank ta un grato honor pa por ta e patronicidor principal di e “1st Aruba Bank GTP International Tournament 2019”.
‘Den cuadro di nos strategia y nos sosten pa deporte na Aruba atrabes di nos propio eventonan, tambe nos ta contento di por anuncia oficialmente nos colaboracion cu e torneo di tennis hubenil aki’, Gina Habibe, Executive Director di Aruba Bank ta anuncia.
E torneo aki ta duna e hungadonan hoben di Aruba un oportunidad unico pa por participa contra hungadonan di otro paisnan, unda cu nan lo por gana suficiente punto pa por logra un posicion riba e ranking mundial. Mas o menos 120 hungado entre 14 cu 18 aña lo participa na e torneo aki. Ariba e imagen por mira presidentenan di GTP Jonathan y Dhayene Goitia, Gina Habibe, Executive Director di Aruba Bank y Tamara Waldron, Marketing & PR Manager. Pa mas informacion por visita GTP su pagina di Facebook: https://www.facebook.com/GoitiaTennisPerformance of yama 7317211.