Accidente cu hopi daño material ariba crusada di Weststraat cu Prof. Lorentzstraat

Prof. Lorentzstraat/Weststraat, 

Diaranson atardi den careda di  6:30 p.m ta sosode un accidente ariba e crusada di Weststraat cu Prof. Lorentzstraat.

Un accidente cu basta daño material nos por bisa, unda falta di no duna preferencia a hunga un rol.

Segun nos a compronde e pick up Chevrolet S10 bayendo pariba o sea direccion Piet, ta haye confronta cu Nissan March.

E Nissan March lo a subi e crusada sin pone atencion cu e S10 ta yegando. Aki ta unda e Chevrolet S10 a dal e Nissan March mande contra e muraya di un cas situa ariba e crusada.

Dama na stuur di e Nissan March a resulta levemente herida, y tawata sinti dolor na su nek y tambe lomba.

Takelwagen lo mester presenta pa move e autonan.