Ciclista herida despues cu auto a subi crusada dal e

Bubali – Dialuna mainta pa mas o menos 8’or polis y despues ambulanca a bay e crusada pariba di SuperFood, pa un accidente cu hende herida.

Na yegada polis a topa cu un ciclista sinta y su bicicleta parcialmente machika.

E ciclista tawata tin dolor na su pia y algun parti di su curpa.

Na e sitio polis a compronde cu e Hyundai Tucson biniendo for di e caya pariba di SuperFood no a mira e ciclista, cu tawata bayendo direccion e rotonde.

E Hyundai Tucson tawata di sigui strit, y aki ta unda e ta dal ciclista.

Ambulance tawata na caminda pa atende e ciclista, na yegada Paramediconan a bay controla e ciclista cu tawata mustra levemente herida.