Santo Patia – Diabierna anochi automobilistanan ariba caminda principal por a tuma nota di varios autonan di polis bayendo direccion pariba.
Mayoria tawata autonan pertenciendo na departamentonan di Husticia.
Tawata den careda di 8’or cu informacion a drenta cu autonan di polis, C.E.A. etc etc tawata bayendo pura pariba.
A resulta cu tawata parti di un plan of accion di razia den K.I.A .
Tur e unidadnan aki di polis y otro departamentonan a drenta den K.I.A den dos team segun nos a compronde.
E accion tawata dirigi ariba, cosnan of artefactonan prohibi.
Na final a bin haya como 6 cellular, artefactonan traha estilo arma blanco y tambe basta droga.
Esnan cu nan a haya cu e cosnan prohibi lo bay haya un straf.
Mayoria di e cosnan prohibi a wordo haya den e area di Huis van Bewaring Hala A.
Mirando cu K.I.A ta den un spotlight bastante negativo ultimamente a tene ya varios Razia den e instituto.
Diabierna tawata e di tres Razia pa e siman aki so.
