Home Local LUNA FOUNDATION ARUBA ORGANISANDO UN DOG FUN WALK DIADOMINGO AWOR.

LUNA FOUNDATION ARUBA ORGANISANDO UN DOG FUN WALK DIADOMINGO AWOR.

SHARE

Luna Foundation Aruba, un organisacion caritativo forma pa un grupo di voluntarionan cu hopi amor pa bestia y en especial cachonan di caya ta organisando proximamente un caminata cu cacho. Zoey Conijn fundadora di e organisacion  Luna FA cu hopi gusto kier informa Aruba cu diadomingo awo dia 25 di augustus 2019 Luna FA lo hiba cachonan cu ta pa adoption pa un caminata y ta invita tur hende cu kier join, chiquito y grandi, pa buska nan ticket na balor di Afls.10.00 y trese nan cacho na nan cadena claro y bin cana pa asina yuda recauda fondo pa yuda Luna cubri e gasto di veterinario cu Luna FA ta encontra tur dia den su reto di yuda cachonan bandona riba caya. Luna FA no ta un organisacion di rescate mas bien e meta di Luna FA ta pa conscientisa e communidad y e generacion di mas jong pa tin mas cuido pa nan cacho y pa no tira cachonan indesea riba caya. Cuminsa na sterilisa bo cacho na cas pa evita cu bo ta haya bo cu un cantidad di puppies cu bo no por cria y ta haya bo ta benta esakinan riba caya of na killcage. Tambe Luna FA ta yuda cria e cachonan riba caya, esunan menos afortuna cu no por yega na cuminda, Luna FA tin varios feeder na varios parti di Aruba y voluntarionan ta pasa regularmente pa yena esakinan y pone awa pa e cachonan. E caminata di diadomingo awo ta pa ademas di recauda fondo pa pasa un rato ameno cu e cacho nan. Lo tin varios post durante e ruta cu awa disponible pa tur hende y tambe pa e cachonan participando. Tambe lo tin varios premio pa e participante y e cachonan manera premio pa e prome 3 paar (dog/dogwalker) cu yega bek, premio pa best dressed dog, best matching dog/owner, premio pa e cacho di mas chiquito y e cacho di mas grandi. Cachonan di Luna FA lo tin nan adoption vest bisti pa por identificanan y sera conoci cu nan y lo por hasta hasi peticion pa adopta nan. Ticket pa e caminata ta optenibel na entre otro na Animal Health Veteninary, Birds N Fishes + Dogs, Just 4 Pet Blvd., Just 4 Pet Cumana, Animal Care Clinic, Shrek’s Pet Services y serka tur voluntario. E Camanita ta start 7.30 di mainta for di Brandweer direccion Wilhelinapark y bek y lo caba aproximadamente pa 11or caminda lo entrega premio. Si ta desea di hasi un donacion den forma efectivo por hasi un deposito riba cuenta di banco di Luna Foundation Aruba na Aruba Bank acc# 6004940190. Bini uno bini tur bin disfruta  hunto Luna FA y bo mascota pa un bon causa.