Paradera – Diadomingo mainta pa mas o menos 9’or polis a wordo manda cu urgencia altura di e veterinario na Paradera. Eynan un accidente basta fuerte lo a tuma luga.
Na yegada di polis di trafico nan ta topa 3 auto ariba caminda, dos cu hopi daño material, y un Kia Sportage cu rasca na banda.
Ariba caminda por a mira cu e auto un Chevrolet Aveo a lastra un brake basta largo.
Loke a sosode
E chauffuer di e Kia Sportage a subi caminda for di banda di panort, mientras e Chevrolet Aveo tawata biniendo cu velocidad halto for di pabou.
Chauffeur di e Aveo posiblemente bou influencia a lastra un brake, ela medio mishi cu e sSportage pa despues kita bay dal e Mitsubishi Lancer.
Ambos chauffeur tanto di e Lancer y e Aveo a resulta herida. Ambulance a pidi asistencia di Materiaalwagen debi cu e porta di e chauffeur di e Aveo a pega y tawata dificil nan sake.
Bomberonan cu a yega mesora a prepara y a drenta den accion cortando e porta pa asina logra saca e chauffeur di e Aveo.
Dos ambulance a presenta na e sitio pa por a transporta tanto chauffeur di e Lancer y di e Aveo pa Hospital.
Takelwagen a presenta pa por a move e autonan kibra.
Ariba caminda a keda basta azeta y por a mira cu a yama esnan concerni pa bin basha tera.