Husticia man na cabes, net tres siman despues cu e preso Schneiders a logra huy for di warda di polis na Santa Cruz, e preso Gerson Galsirio Martina, naci na Korsou dia 13 november 1980, ta logra huy for di KIA.
Santo Patia/ KIA: Diadomingo den oranan di mainta un otro preso ta huy, pero e biaha aki for di KIA, ta trata di e preso Gerson Martina, kende lo ta cera pa atraco cu arma di candela.
Actualmente autoridad ta cu un buskeda intensivo den e area di KIA.
Dia cu Gerson a wordo deteni, a usa Team di aresto pa haci su detencion pa motibo cu e ta wordo considera hopi peligroso.
Polis ta controlando den tur auto cu ta pasando den e area di KIA, pa asina mira si por bin topa cu e fugitivo.
Con y ki ora ela huy, ainda no ta conoci, e preso aki a huy for di su cel. Esaki ta bou investigacion.
Actualmente autoridad ta buscando dos fugitivo cu ta Miguel Schneiders y Gerson Martina, den menos di un luna dos persona ta huy for di man di husticia. Con por ta posibel? ta keda un pregunta.