ORANJESTAD, Aruba – E aña aki durante e proyecto di Aruba Doet, Aruba Hotel & Tourism Associations (AHATA) a yuda drecha e club di Sportboys door di yuda verf parti di e muraya. Durante e actividad aki a observa cu tabata falta pa drecha otro area di e veld y AHATA a dicidi di haci un donacion adicional. Hobennan ta haci uzo y ta train diariamente na e veld, ademas ta organisa hopi wega di futbol y otro actividadnan.
Cu e donacion aki a drecha e waya y e arco di e gol. AHATA a haci esaki cu e meta pa apoya deporte y p’e muchanan y hobennan por sigui train den forma eficiente. E comision di Sportboys a gradici AHATA p’e bunita gesto y ta masha contento di mira un cambio na e veld.
AHATA ta satisfecho cu e resultado y di por a haci e donacion aki cu lo yuda forma mas lider y talentonan den deporte.