Sero Pita – Dialuna atardi algo pasa di 5’or varios unidad di polis, ambulance y un Brandweer a bay panort di crusada di Sero Pita, pa un accidente di auto serio.
Na yegada polisnan a constata cu tawata trata di un auto so. E auto un Hyundai Elantra a perde control debi na velocidad halto, y ta bay termina den e mondi parti pariba.
Den e auto tawata tin tres persona, di cual uno segun nos por a compronde tawata seriamente herida.
Ariba caminda di Paradera pa Piedra Plat por a mira y scucha ambulance bayendo pa e sitio di accidente.
Ariba e imagennan nos por a capta e chauffeur, cu tawata bou influencia di algo y tawata letterlijk menasa tur hende rond. Polisnan cu a mira cu e homber ta basta agresivo y bou influencia no a pensa dos biaha y a pone den boei.
Paramediconan cu mester a trata cune a pasa algun rato bastante fastioso, ora bo cu mester yuda un pashent herida y na mes un momento e kier bringa cubo.
Ela wordo poni den ambulance pa e haya tratamento na Hospital y despues elo wordo hiba warda di polis.