ORANJESTAD, Aruba – Darwin Mathilda ta cliente di EcoTech pa 19 aña caba y ta contento di a haci e cambio pa uza nan servicio. El a bira cliente desde cu su yiu homber a nace. Tempo cu nan tabata cu e otro compania encarga cu recogemento di desperdicio domestico, no tur ora nan tabata ricibi e servicio desea.
E ta corda ainda con pampers di baby tabata acumula hopi den e drum e tempo ey y ta cuminsa hole stinki. Riba un dia cu e tabata na trabou, Darwin Mathilda a mira un di e trucknan di EcoTech pasa. El a tuma e iniciativa di yama nan pa haya splicacion di prijs y servicio. Ey mes el a dicidi cu ta ora pa cambia y biba trankil.
Te cu e dia di awe, Darwin Mathilda ta super satisfecho cu EcoTech. Door di su experencia, e ta recomenda tur hende cambia pa un compania cu bo por confia riba nan, cu nan ta brinda servicio manera mester ta. E ta recomenda tur hende pa app Mr. Bucket na 594-3757 pa cambia pa EcoTech.
EcoTech ta existi desde aña 1985 caba y ta traha 24 ora pa dia, 7 dia pa siman pa sirbi nan mas di 6 mil clientenan. Cu un ekipo di mas o menos 85 trahado, EcoTech ta responsabel pa mas di 60% di tur sushi di nos isla, di cual e mayoria comercial y awo creciendo tur dia den clientenan residencial. E compania ta conoci pa su servicio sin igual y su vision innovativo y duradero pa maneha desperdicio riba nos isla. Nan plan pa cuminsa exporta RDF (Refuse Derived Fuel) – un combustile alternativo – a haya hopi acogida den comunidad, confirmando nan compromiso y deber civico cu comunidad pa yega na un solucion duradero pa nos medio ambiente.