Weststraat/Rudolf Arendsstraat – Dialuna mainta a habri cu polis y tambe ambulance a bay un otro crusada conoci, esta Weststraat cu Rudolf Arendsstraat. Eynan un accidente di trafico a tuma luga.
Na yegada a bin topa cu un pick up Isuzu y un Nissan Tiida. Na stuur di e Nissan tawata tin un dama Venezolana.
E Isuzu pick up tawata bayendo direccion nort pa Santa Helena straat y e dama na stuur di Nissan a subi e crusada sin duna preferencia.
Esaki a causa cu ela dal contra e pick up.
Na e sitio por a scucha algun comentario cu e aparentemente e dama lo tawata tin su cellular den man. E dama tin rijbewijs International, pero no sa mucho bon probablemente con e ta na Aruba.
Parse cu elo tawata tin cita cu un luga cu ta duna les pa splike e reglanan, pero esaki tawata cera.
Paramediconan na e sitio a controla e dama.