Home Police Nissan Versa a dal dama ariba Paardenbaaistraat

Nissan Versa a dal dama ariba Paardenbaaistraat

SHARE

Paardenbaaistraat – Dialuna atardi den careda di 4’or polis y ambulance a bay den Paardenbaaistraat, unda un auto a dal un persona.

Esaki a sosode unda antes tawata ex Consulado di Venezuela.

Segun nos a compronde un Nissan Versa a pasa y lo a dal un dama peaton. Danki Dios no tawata algo hopi serio, pero e dama tawata tin dolor si.

E dolor tawata mas tanto ora ela cay.

Polis di trafico tambe tawata na e sitio y mientras e agente tawata compila datos Paramediconan a atende e dama.

Despues di un rato a opta pa hibe Hospital.