Barcadera – Diaranson marduga durante patruya polis a nota un auto Toyota bayendo direccion Mahuma, y segun nan observacion un persona lo tawata trata di sali for di e auto.
Mesora e patruya cu mester cuida nos Costanan a bay su tras. Nan a nota tambe cu e auto su plachi number tawata traha, o sea di carton.
Na rotonde di Sero Tijshi nan a bay zuid direccion Barcadera.
Mientrastanto patruyanan di varios districto tambe a bay direccion Barcadera. Polis a sigui e vehiculo cu a bay na e ranchonan banda di lama.
Eynan polis a acerca e auto y tawata trata di un homber cu un muhe. Polis a nota cu e chauffeur tawata bou influencia y a duna un Rijverbod.
Despues di papia cu nan, polisnan a hiba ambos dos diferente adres.
E homber a wordo baha na Savaneta y e muhe a wordo hiba Sabanilla Abou.
