Palm Beach: Diadomingo despues di mey anochi, Cuerpo policial, Douane, Guarda Nos Costa hunto cu Fiscalnan, a tene un control grandi y estricto den e area di high rise hotel.
Esaki a sosode na altura di South Beach. Autoridad tabata controla e autonan pa droga, uso di alcohol, arma y documentonan di auto.
Un cantidad grandi di auto a wordo controla, durante e control a detene dos persona cu tabata den posession di droga.un homber den un Honda CRV cora a keda deteni
E cacho di douane tambe tabata presente, E cacho di Douane tabata basta ocupa ta buska den e autonan. Autoridad a bay cu un tas cu basta material den dje.
Cuerpo Especial Arubano tambe a asisti na e controlnan aki, nan tabata presente pa transporta e detenidonan pa Warda di polis.
Durante e control, un Altezza blanco pasando den e area di High Rise Hotels, a hala atencion di autoridad, pa motibo cu for di e auto tabata sali holor di marihuana, mesora a bay over na para e auto. E dama den e Altezza a wordo rista y despues di basta rato e por a sigui su caminda den e Altezza.
Takelwagen a presenta pa transporta e Honda CRV cora pa asina haci mas investigacion.
