Polis ta para un auto cu tabata coriendo malo y ta detene e chauffeur pa core bou influencia di alcohol
Palm beach: Diadomingo algo pasa di 2’or di marduga, un patruya den Hot zone, na altura di Sand Bar, ta nota cu chauffeur di un auto tabata coriendo malismo. E polisnan a dicidi di para e auto aki pa un control.
Despues cu nan a pare nan a nota cu e chauffeur ta mustra basta bou influencia y tambe nan a mira cu tabata tin un ice jug y botter di rum den e auto.
E agentenan policial na e sitio a dicidi di laga e chauffeur supla y esaki a surpasa e limite di alcohol permiti. Mesora nan a detene e homber pa core auto bou influencia y a pidi pa un transportwagen pa asina transporte pa warda di polis y evitando asina pa e sigui pone su bida y di otro den peliger.