20 di juni ta e dia internacional di refugiado, segun e organisacion di Refugiado di Nacionnan Uni (UNHCR) e cifra mundial ta 70.8 miyon persona cu ta wordo considera refugiado, esaki ta inclui parcialmente e crisis humanitario cu ta bibando na Venezuela den cual mas di 4 miyon venezolano a bandona Venezuela.
Geneve, Zwitserland – Diahuebs ultimo Nacionnan Uni a celebra dia Mundial di Refugiado, esaki ta pa recorda y visualisa e problema aki, cu no ta mustra cu por tin un solucion a corto plaza pe, cada aña e cantidad di refugiado ta sigui aumenta y ta afectado diferente parti di mundo.
E problema di refugiado ta un problema hopi serio mundialmente y siman pasa UNHCR pa dia mundial di Refugiado a publica mane ta custumber tur aña un raport cu informacion y cifranan mustrando con serio e situacion di e refugiadonan ta mundialmente.
Segun e datosnan di e organizacion pa Refugiado di Naciones (UNHCR) a publica :
– Durante 2018, pa cada minuut cu a pasa, mas o menos 25 persona mundialmente tabata wordo forsa pa
huy for di nan hogar, door di e cifra halto aki, ela bira pa dia un total 37 mil persona, cu
diariamente pa un of otro motibo ta huy for di nan hogar.
– Más di 70,8 miyon persona na mundo mester a abandona nan hogar, segun UNHCR, Esaki ta e mas
halto cu a wordo registra pa Nacionnan Uni, desde cu e organizacion a cuminsa opera, mas o menos 70 aña
pasa.
– E cifranan actual a duplica, compara cu e cantidad di refugiadonan cu tabata tin 20 aña pasa. Solamente
den e ultimo aña, 2.3 miyon di refugiado a bin acerca, cu ta equivalente na e poblacion di
paisnan manera Turkia y Tailanda hunto.
– Pa UNHCR, e cifra di 70,8 miyones ta wordo calcula mas abou cu e lo ta realmente, ya cu e ta inclui
parcialmente e crisis humanitario cu ta bibando na Venezuela, caminda mas di 4 miyon persona a bandona
Venezuela.
Esnan cu a bandona nan hogar, refugiadonan, esnan cu ta pidiendo un asilo…
Nan por wordo parti den tres grupo grandi:
Refugiadonan: Esnan cu mester a huy di nan pais pa motibo di conflictonan, guerra of persecusion, esaki ta alcansa un total di 25.9 miyon persona mundialmente
Esnan cu ta solicita pa asilo: Ta esnan cu ta na un otro pais, pafor di nan pais di origen y ta ricibiendo proteccion internacional, pero nan ta wardando un resolucion, esey ta un total 3,5 miyon persona mundialmente
Esnan cu mester a bandona nan hogar: Ta esnan cu ta den nan propio pais ainda pero bibando na lugarnan cu nan no tabata biba anteriormente, esaki ta e cantidad mas grandi cu ta 41.3 miyon mundialmente.
Esnan menor di edad ta esunnan cu ta mas afecta. E Venezolanonan ta esunnan cu actualmente mas ta pidiendo asilo.
– Aña pasa, un di cada dos refugiado tabata un mucha y total di muchanan cu tabata nan so sin mayor of
otro familiar, a yega te na un total di 111.000 muchanan cu tabata refugiado sin
cu un mayor tabata cu nan.
– Prácticamente 4 di cada 5 refugiado a permanece durante un tempo como personanan cu a bandona nan hogar
pero a keda den nan pais, prome cu nan a bandona nan pais.
– E proporcion di personanan cu mundialmente ta refugiado, solicita asilo of a bandona nan hogarnan y ta
bibando otro caminda den nan propio pais, a aumenta den 2018, a bira un di cada 108 persona, diez aña pasa e proporción tabata riba un di cada 160, esaki UNHCR a confirma esaki.
