Palm Beach – Diasabra mey anochi pa mas o menos 12:30 a.m un taxista ta yama Central di Polis pidiendo ayudo pa un pasahero.
E pasahero turista lo a saca den e auto y ariba dje e ta pata pata burachi.
Asina mes e taxista a sigui move direccion Marriott.
Mesora un patruya di Noord a bay direccion di e taxista, y ta topa esaki altura di Marriott banda di e Mangelnan(otro banda di Marriott).
E turista un hende homber lo a bebe super dimas, y e curpa ya no tawata por mas cu ela cuminsa saca y orina.
Agentenan cu a yega a pidi pa Transportwagen, paso nada otro no por haci cu hiba e homber aki warda pa su seguridad y di otro.
E agentenan a pasa algun rato basta fastioso pa por a lanta e homber cu tawata “for di tino”.
Na final cu basta dificultad a logra hinke den e Transportwagen y a rush cune warda di Shaba.
Transportwagen a bay directamente unda e celnan paso padilanti no por a pasa cune, debi cu e ta full sushi na saca, orina y mas cos.
Agentenan a tuma datos di e taxista, y lo pone e turista responsabel pa e sushedad cu ela comete den e taxi.