Savaneta – Diadomingo mainta pa mas o menos 10’or a.m polis a wordo notifica di un accidente serio ariba caminda principal.
Polisnan mesora a dirigi nan mes altura di Savaneta 349A, eynan un auto lo a bolter y bay cay den cura di un cas. Esaki ta situa un poco mas pabou di Savaneta Kamp.
Prome informacionnan tawata papia cu den e auto cu a bolter lo tin hende herida.
Na yegada di tanto polis y ambulance enberdad nan a bin topa cu un auto Toyota completamente destrui benta den un cura di cas panort di caminda. E chauffeur danki Dios tawata levemente herida.
Mesora Paramediconan a cuminsa papia cune haciendo e algun pregunta y controle.
E Toyota tawata bayendo direccion pariba, y pa un of otro motibo ela bay na su man robes perde control bolter y bay cay den cura di e cas.
Esaki a causa daño tambe ta cura di e cas.