137
J.E.Irausquin Boulevard – Diabierna anochi pa mas o menos 7:30 unidad di rescate di Brandweer, Ambulance y Polis a sali direccion di Blue Residence, unda un auto a bolter y chauffeur ta pega den e auto.
Esnan ariba careteranan di Aruba y den area por a mira Materiaalwagen y Ambulance bayendo cu urgencia.
Mesora a cera e caminda dilanti Blue den ambos direccion, pa di e manera eynan facilita e unidadnan di rescate traha libremente.
Na yegada polisnan a topa cu un auto v-car marca Hyundai ariba su dak. Esaki tawata pega cerca di un palo di luz tambe, indicando cu e palo di luz a haya daño tambe.
E persona despues di un rato a wordo libera y transporta cu ambulance pa Hospital.
Trafico den e area e stagna bastante pa un rato.
