Savaneta – Diasabra marduga algo pasa di 3:30 patruyanan y tambe ambulance a bay altura di La Granja na Savaneta, pa un accidente serio.
Na e sitio nan ta compronde cu tin un brommer envolvi y cu e e chauffeur ta gravemente herida.
E motociclista debi na e impacto lo a perde parti di su man, causando un trauma hopi serio.
Informacionnan haya di e polis den careda di 6:30 mainta a indica cu e motoclista a fayece.
“Diasabra 15 di mei 2019 pa 03.45 yamada a drenta via nos Central di Polis cu tin un accident basta grave na altura di La Granja. Na jegada ta bin constata cu den e accident tin un brommer y dos auto envolvi. Cu maximo urgencia e chofer di e brommer wordo hiba pa hospitaal.
4.39 am dokter a constata morto di e chofer di e brommer cu te ainda su identidad no ta conosi. Na e sitio chofer di ambos auto a wordo getest y a resulta positivo pa ta bou influencia di alcohol y ta wordo deteni y hiba warda pendiente di mas investigacion.
Nos di Cuerpo Policial kier a manda palabranan di condolencia na e famia di e fayecido”.