Palm Beach – Diahuebs atardi despues di e reuni na oficina di recherche na Frankrijkstraat, un grupo grandi a sali direccion Molen, y segun nos a compronde mas direccion.
E biaha aki tawata trata di un Operacion basta grandi, unda diferente departamento di polis a participa.
Molen a wordo completamente rondona, door di polis pa di e manera ey ningun hende por huy.
Unabes paden of ariba e tereno a detene varios persona, un grupo a wordo poni apart. Tawata trata di un grupo di stranhero cu probablemente tawata laborando ora autoridad a drenta. No ta conoci si nan por tawata tin nan papelnan na ordo, aunke esey no tawata mustra si.
Na e sitio representantenan di Ministerio Publico tambe tawata hunto cu polis pa asina mira pa tur cos cana segun ley.
Loke tawata remarkabel ta cu esnan presente tawata mustrando hopi interes den parti ariba di e Molina. Eyden y rond di e piso ey, por a mira hopi movecion y personanan haciendo anotacionnan.
Parti pafo Vannan di CEA tawata staciona, pa asina transporta personanan cu wordo deteni.
Mientras cu e operacion tawata andando, e caminda dilanti Molen a wordo cera den ambos banda.
Na e sitio e Departamento cu por a mira cu tawata mas activo tawata esun di Narcotica.
Momento cu prensa tawata na e sitio Vocero di Polis no papia over di kiko exactmente e Razia tawata.
Pa mas o menos 6:26 p.m Prensa a haya e siguiente informacion di parti polis:
“ENTRADA HUDICIAL NA OLDE MOLEN
Awetardi den cuadro cu un investigacion di departamento di droga di Cuerpo Policual , unidadnan special manera Arrestatie Team, Mobiele Eenheid, K9 unit y Helicopter presente a haci un entrada hudicial den cuadro di un investigacion andando. Aki rato nos tin mas detayes di e caso aki”.