Chauffeur di edad bou influencia deteni despues di e causa accidente

Rooi Taki – Diaranson anochi algo pasa di 8’or di anochi patruya di Santa Cruz a bay Franse Pas, unda un accidente di trafico a sosode.

Na yegada polis a topa cu Toyota Yaris, na stuur un chauffeur bou influencia.

Segun nos a compronde e Yaris tawata bayendo direccion zuid esta pa Sabana Basora, y lo a core mucho ariba su banda robes.

E chauffeur un persona di edad a wordo reconoci pa polis cu algun tempo atras tambe a causa un accidente parecido den Franse Pas.

E cabayero aki tawata bou influencia y e biaha aki no tawata diferente.

Na e sitio nos a compronde cu elo a dal contra un vehiculo di “special” di polis.

Ela wordo deteni y hiba warda un biaha mas.