Fundacion Sea Bunita Sea Bo Mes ta continua y presenta su modelonan cu lo desfila ariba tapijt cora y tambe ariba pasarela dia 8 di juni proximo den Renaissance Convention Center durante e Sea Bunita Sea Bo Mes fashion show di nos muchanan y hobennan special.
Nos modelonan cu lo desfila ta Kendrick Angela, Ethan Geerman, Jake Lacle, Regina Janga y Zion Ras, muchanan y hobennan super inteligente cu bendicion special, cu lo wordo acompaña door di nos celebridadnan di Aruba cu semper ta cla pa duna tur nan sosten na nos muchanan y hobennan special y acompaña nan ariba e pasarela den Renaissance Convention Center dia 8 di juni proximo.
Un anochi cu ta priminti di bira grandi un biaha mas. Esaki pa di 4 aña cu Fundacion Sea Bunita Sea Bo Mes ta organisando e anochi bunita aki, hopi sorpresa durante e anochi aki combina cu canto, baile, declamacion di poesia y e famoso pasarela unda nos por bay aprecia e talento di nos muchanan y hobennan special.
Carchi na balor di awg 35,– ta obtenibel cerca tur e mayornan di nos muchanan y hobennan special. Pa mas informacion por tuma contacto cu sra. Marienela Geerman na cel # 733-1431.
Aruba ban duna tur nos apoyo y brinda nos muchanan y hobennan special tur nos sosten den nan lucha pa inclusion.