ORANJESTAD, Aruba – Colegio EPI a organisa e prome festival “The Voice” pa studiantenan y docentenan. E festival tabata un showcase pa demostra talento di e studiantenan. Aruba Bank a sostene e festival aki, yudando colegio EPI trece padilanti hopi talento scondi.
Diasabra anochi un publico grandi a disfruta di diferente cantica cu e participantenan a canta. Den categoria B, Kyra Eugenia cu su cancion “Wow’i cariño” a keda na tercer luga, na di dos luga a keda Michelle Fitz Verploegh cu su cancion “All about that base”. Ganado absoluto den categoria B a keda den persona di Carlos Maduro cu su cancion “God is a woman”.
Pa loke ta trata categoria A, na di tercer luga a keda Lizamara Lacle cu su cancion “Because of you”, na di dos luga a keda Shania Alexander cu su cancion “I’m going down”. Ganadora absoluto den categoria A a keda den persona di Soraine Leonard cu su cancion “Good woman”.
Aruba Bank ta orguyoso di a forma parti di e actividad escolar. Un pabien na cada participante y e iniciadornan di e prome song festival “The Voice” EPI Edition.