138
Piedra Plat – Diadomingo atardi den careda di 5’or polis y ambulance a bay crusada di Weng Kee na Piedra Plat, pa un accidente di trafico cu hende herida.
Na yegada polisnan a constata cu esnan herida ta dos mucha, un den cada auto.
E autonan envolvi tawata un Kia y un Toyota MarkX.
Segun nos a compronde, e Toyota Mark X a sali di e crusada pa bay Sant Cruz.
Chauffeur di Toyota lo a haci un calculo malo di a subi e caminda, e Kia lo a trata na evita pero asina mes e ta gara e parti patras na banda.
Debi cu tawata tin mucha envolvi den ambos auto, a presenta dos ambulance na e sitio pa atende e muchanan.
Ambos tawata herida levemente, danki Dios.
Polis di trafico a presenta pa atende cu e chauffeurnan.