Dr. Carlos Guerrero y dr. Stephen Howell di Stemwell Colombia na Aruba pa charla gratis

Dokter Carlos Guerrero y Dokter Stephen Howell di Stemwell Colombia ta biniendo Aruba y tin un tratamento special cu kisas ta yuda hopi Arubiano cu tambe ta sufri di cierto enfermedadnan. Dia 3 di Juni na MFA Paradera 7or PM.
Dokter Stephen Howell ta conta riba e tratamento y tambe nan presencia na Aruba y con importante ta pa asisti na un conferencia asina aki.
Na Stemwell nan ta enfoca mas riba e parti di ortopedia, e parti di articulacion, dolornan di curpa, di lomba, etc. Sa cu tin hopi pashent na Aruba cu ta sufriendo di diferente enfermedadnan degenerativo pa loke ta articulacion.
En realidad nan kier duna tur hende e oportunidad pa bin na e charla di Stemwell, conoce nan tratamentonan, conoce dr. Carlos Guerrero y kico e ta haci den e rango di Stemcell na Colombia y pa por resolve cualkier duda cu por tin riba e tratamento.
No ta importa edad
Dr. Howell a splica cu normalmente ora cu un pashent cu ya tin edad caba, por ehempel riba 60 aña, ya e ta cuminsa sinti diferente dolor na curpa. Pero esey no ta limita cu e tratamento ta solamente pa pashentnan di edad. Pashentnan jong, pashentnan deportivo, pashentnan cu ta haci hopi deporte, pashentnan activo. No tin rango di edad pa e tratamento di stemcell. Por yuda den cualkier forma cu por.
Contacto cu Stemwell
Durante e charla, ta bay tin flyer, ta bay tin folders. Tambe semper nan ta laga atras un papel cu por yena nomber, fam y dato, y ki tipo di enfermedad bo ta sufri di dje, pa por tin un bista mas amplio di loke ta pasando y con por yuda den patologia eynan, dependiendo kico mas e pashent lo tin.
Invitacion
Stemwell ta bay ta dia 3 di Juni na MFA na Paradera. E charla lo bay ta 7’or di anochi y ta invita tur hende cu kier forma parti di e charla, ta mas cu bon bini pa participa. Entrada ta completamente gratis. Dr. Howell y dr. Carlos Guerrero ta bay ta super pendiente di tur esnan cu presenta e anochi aki. E charla lo wordo duna na Spaño y despues dr. Howell lo haci un recapitulacion di tur cos cu dr. Carlos a bisa na Papiamento y si mester na Ingles.