Diabierna ultimo mi colega y amigo a informa mi di e tremendo noticia cu dialuna el a comparti cu pueblo completo.
Un noticia cu sigur a yena Endy, su famia y nos tur cu a biba su persecucion di cerca y a convivi cu ne pa añanan, cu hopi alegria y cu e sentimento cu husticia a prevalece, aunke cu esaki a dura hopi largo.
Manera Endy mes ta bisa: Despues di un lucha cu hopi determinacion pa casi 10 aña, diabierna ultimo 5 hues den Cassatie, esta Hogeraad na Hulanda tambe a sentencia Ernst and Young cu nan a traha un rapport ‘ONRECHTMATIG’ contra su persona den e caso di Lotto y a ‘vernietig’ e rapport. Asina a yega un final unda nan no tin ningun caminda mas pa cana. Awor Endy mester cuminsa un ultimo caso pa cobra Ernst and Young pa e daño cu a keda ocasiona na su persona.
Manera mi a bisa Endy: “Papa Dios ta grandi!!! Por ta e ta bisti pidjama pero e no ta drumi. Mester gradicie y bay celebra”.
Mas cu nunca nos mester realisa e poder di AVP. Pueblo mester realisa cu ta e poder aki a haci posibel cu nan por a masacra e pais aki. No solamente riba tereno financiero pero riba tur tereno. Sigur esun deportivo. Nan a regala Lotto na Canadian Bank Notes, nan a neglisha nos Facilidadnan deportivo, a laga organisacionnan deportivo y nos deportistanan desampara, no a percura pa mantene nos infrastructura deportivo y asina por sigui menciona.
A bira ora pa Lotto bira bek di pueblo y cu e atencion real y necesario keda duna na Deporte!
Masha pabien Endy Croes!!!