Apelsinastraat/Tarabana – Diamaras atardi den Dakota habitantenan tawata scucha masha hopi sirena di polis, y tambe por a mira movecion di diferente patruya.
A resulta cu nan tawata persiguiendo un BMW, segun nos a compronde un caminda den Playa patruya a dune un señal pa e para.
E chauffeur no a sigui ordo di polis y a opta pa sigui bay.
Mesora e patruya a avisa cu e ta tras di un BMW y cu esaki a bay area di Cumana cu Tarabana.
Den algun minuut patruyanan ta topa cu e BMW cu un conocido di nan na stuur. Mesora a blokia e auto y a saca e chauffeur pone ariba caminda. Ey ta caminda ela wordo poni den boei.
Mientrastanto transportwagen tawata na caminda pa buske.
E problema aparentemente a cuminsa debi cu e chauffeur tawata coriendo auto roekeloos, y polis a bay hala su atencion pero e chauffeur lo a spanta y a core bay.
A pidi takelwagen, pero na yegada di e takelwagen e no tawata necesario mas, debi cu tata di e chauffeur mes a yega na e sitio y a bay cu e vehiculo.