Ponton: Diadomingo algo despues di 8’or y mey di anochi, presencia di polis ta wordo pidi cu urgencia na altura di WEMA Ponton, pa un homber cu lo a dal un dama cu auto.
Na yegada enberdad polis ta topa cu un dama herida benta riba vloer banda di un Toyota Yaris Shinishi. Mesora e agentenan policial a bay papia cu e dama y ela splica polis cu e tabata canando banda di caminda y na dado momento e homber kende ta su pareha den e Toyota Yaris a baha caminda y a pasa auto riba su pia.
E pareha aki lo tabata tin problema caba, esaki a escala y e homber a bay asina leu di intencionalmente pasa auto riba pia di su pareha.
E agentenan polical na e sitio a pidi pa presencia di ambulance pa motibo cu e dama tabata herida. Despues e polisnan a bay atende cu e homber y mirando cu aki ta trata di un acto serio den cual e homber a pasa auto intencionalmente riba pia di e dama, no a keda e agentenan nada otro cu detene e homber aki.
Nan a pidi pa transportwagen di polis pa transporta e homber pa Warda di Polis, mientras e Toyota Yaris Shinishi di e homber a keda confisca.