Palm Beach – Diasabra anochi den careda di 8’or un Nissan Tiida a pega candela dilanti Riu Palace na Palm Beach.
E Nissan Tiida aki tawata staciona manera tur e otro autonan pariba di caminda.
Diripiente e auto tawata completamente na candela.
Loke a haci e problema mas grandi tawata cu ambos banda di dje tawata tin autonan staciona, cu a sufri masha hopi daño mes. Tawata trata di un Nissan Murano y un Toyota Yaris.
Unidadnan di Brandweer a wordo avisa pa bay cu maximo urgencia, debi cu ambos banda tin auto y e chance ta grandi cu por bay tin explosion.
Na yegada di patruyanan mesora nan a bay over na cera e caminda y mantene tur hende ariba un distancia, pa nan mes un seguridad.
Cuerpo policial a manda e siguiente informacion:
“Diasabra nochi pa 8:20 central di polis ta wordo notifica di un auto na candela dilanti Rui Hotel . Na yegada di e patruya di polis ta cuminsa na cera e caminda y tene tur hende leu pa nan mes un seguridad. E prome unidad di brandweer a jega ne sitio poco minuut despues y a cuminsa na paga e candela . Por a wak vlamnan grandi ta sali di e nissan tiida pero personal di brandweer a logra domine y paga e candela . Dos auto para na banda di e nissan tiida a wordo afecto pa cu e vlamnan di e candela.
Polis technico a presenta na e sitio y asina haci nan investigacion.
Bon trabao di tanto polis y brandweer”.