Wayaca – Diasabra mainta pa mas o menos 11:40 a.m brandweer a baya cu urgencia pariba di Spiraal Rotonde, unda un auto tawata na candela.
Polis tambe tawata bayendo pa e sitio.
Na yegada di Brandweer nan a topa cu un Jeep Wrangler color preto, e motor tawata na candela.
Automobilistanan pasando eybanda tawata slow pa mira kiko ta pasando.
Segun nos a compronde, durante careda e auto lo a cuminsa saca huma y mesora e chauffeur a hala un banda. Ela ripara cu ta for di e motor esaki a cuminsa.
Parse cu e chauffeur mes lo a trata na haci algo, pero ya e momento eynan bomberonan a yega.
Den un rato nan a domina e candela, cu ta mustra cu ela cuminsa debi na un kortsluiting den e motor.
E motor a sufri mayoria daño, probablemente lo mester busca motor nobo.
Ta trata di un Jeep v-car.