Savaneta – Diasabra mainta trempan den careda di 6’or mientras cu e Ronde van Aruba tawata andando a sosode un accidente altura di Isla di Oro. Tawata trata un accidente entre un brommer cu un auto.
Mesora polis y ambulance a sali pa e sitio, door cu a papia di un accidente basta serio y e motociclista ta benta ariba caminda.
Na yegada polis a compronde cu e brommer posiblemente lo a lubida cu e Ronde van Aruba tawata ON. Ariba caminda tawata tin un Ambulance coriendo poco poco y e brommer a bay pase cu velocidad poco halto.
Loke e no a spera tawata cu dilanti di e ambulance tawata tin un pick up, tambe coriendo poco poco debi cu e ta tras di un participante.
Aki ta unda e brommer e dal basta duro na e parti robes di e pick up y bay cay.
Ambulance cu a yega basta lihe a prepare y sali cune cu urgencia pa Hospital.