Weg Fontein, San Nicolas: Dialuna den oranan di marduga presencia di polis ta wordo pidi cu urgencia na un cas di famia na Weg Fontein,pa motibo cu un homber lo a yega cas bou influencia y tabata hopi agresivo y tabata lanta cu su famia.
E parti mas fastioso di e caso aki tabata cu den e cas tabata tin mucha chikito cu tabata presenciando, con e homber tabata maltrata su casa. Aparentemente esaki no ta prome biaha cu e homber ta haci esaki tampoco, na varios ocasion presencia di polis tabata wordo pidi pa e homber aki.
Na yegada polis mesora a detene e homber y a pidi pa transportwagen di polis pa transporta e homber bou influencia aki pa warda di polis na San Nicolas.
Na Warda di Polis e homber aki mester a presenta dilant subfiscal, kende a dune un cuarto gratis pa e sosega su curpa.
No ta conoci si e casa a bay entrega keho di maltrato, niun forma di maltrato no mester wordo tolera pa niun persona y mas pio ainda ora e ta sosode dilanti muchanan chikito, esaki por causa traumanan serio na e criaturanan, cu mayan nan mester haya tratamento psicologico, hopi biaha pa un periodo largo, pa asina siña procesa y biba cu tur loke nan a experiencia na chikito.