110
Engelandstraat – Dialuna merdia algo pasa di 1:30 Brandweer y Polis a bay e parti patras di Palais Hindu na Eagle.
Parti patras na banda tin un porta di hero, cu ta bay na e parti di Printing.
Durante un trabou di welder na e porta debi cu e no ta cera bon, a cuminsa un candela.
Esnan presente a alarma 911 mesora, y 911 na su turno a manda saca un unidad di Brandweer y tambe a avisa polis.
Prome informacion a drenta cu tin candela grandi na Palais Hindu na Eagle, pero danki Dios esey no tawata e caso.
Na yegada di Brandweer ya e candela of loke tawata e candela a wordo paga. Brandweer a usa un slang di muha mata pa a muhe unda tawata tin candela.
Pues no tawata algo serio, pero pa siguridad a avisa Brandweer y Polis.