Calbas – Diadomingo anochi algo prome cu 8:30 p.m polis y Materiaalwagen di Brandweer a sali direccion bocht di Calbas pa Kudawecha, unda un accidente di auto a sosode.
Na yegada di polis nan a topa cu un Nissan Sentra color shinishi pega contra un muraya di cas. Por a mira tambe cu e chauffeur muy probablemente bou influencia a ranca un borchi di trafico y tambe un palo di luz.
Na yegada di Brandweer tawata tin un persona cu ta traha cu Ambulance a pasa eybanda y a baha mira e situacion.
Mientrastanto personal di Brandweer a cuminsa prepara pa bay yuda saca e chauffeur, cu lo a haya golpi na pecho.
Algun rato despues Ambulance a yega for na e sitio y cu ayudo di Bomberonan a saca e chauffeur. E chauffeur tawata na tino, pero tawata mustra tambe cu posiblemente ela haya un golpi fuerte.
Segun polis e mesun auto aki a comete un hit and run ariba e caminda di Catiri.
Ela wordo transporta pa Hospital.