Brussel: Nomber di Aruba a wordo kita for di e lista preto di Europa, di e paisnan cu ta wordo considera paraisonan fiscal (belastingparadijs). Segun fuentenan a duna di conoce, cu e desicion aki lo cay, fin di e siman aki, durante un reunion di e ministernan di Finanzas di e paisnan miembro di Union Europeo.
Aruba a wordo poni riba e lista aki na maart ultimo pa motibo cu e legislacion fiscal di nos pais no a wordo adapta na tempo y e adaptacion a wordo haci y no tin motibo mas pa Aruba ta riba e lista preto aki.
E lista preto di paraisonan fiscal ta existi for di 2017, cu e intencion pa paisnan cu no ta tuma suficiente medida contra esnan cu no ta of kier paga impuesto mane debe ser, esaki ta stroba e paisnan aki pa haci negoshi cu Union Europeo. Aruba no lo cay mas entre e paisnan aki y no lo conoce niun estorbo mas, maske e adaptacion lo drenta na vigor mas durante aña.
Bermuda y Bahamas tambe a wordo kita for di e lista preto aki, actualmente tin 12 pais riba e lista preto di Union Europeo. Paisnan miembro di Union Europeo no ta wordo poni riba e lista aki, maske cu e parlamento di Union Europeo mes ta considera entre otro Hulanda un paraiso fiscal.