Home » Kustwacht a confisca boto y a detene dos persona cu tabata abordo

Kustwacht a confisca boto y a detene dos persona cu tabata abordo

by Admin
0 comment 54 views

No ta Aruba so tin problema cu personanan cu den oranan di anochi of marduga ta trata na drenta nos isla na un forma ilegal. Corsou tambe ta confrontando e mesun problema aki, Kustwacht a confisca un boto y a detene e dos personanan abordo pa motibo cu nan a caba di baha algun persona indocumenta na costa. Autoridad atento a logra pone man riba 13 indocumenta na costa, pero no ta conoci cuanto persona tabata tin abordo y cu si tin cu toch a logra huy for di autoridad.

Willemstad, Curacao: Diadomingo anochi pa Dialuna marduga, Rescue and Coordination Center di Kustwacht ta detecta un contacto sospechoso via radar, den direcion di Oostpunt.

Mesora e patruya di Kustwacht hunto cu Curmiller a bay direcion di e boto sospechoso aki, pa asina trata na identifica esaki. Tambe a informa KPC y Douane. E helicopter di Kustwacht mesora a bay halto pa cuminsa busca den e area aki.

E patruya di Kustwacht yegando cerca a topa cu un boto tipo Yola cu dos persona abordo, durante cu nan a wordo deteni y nan a declara na autoridad cu nan a caba di baha algun persona na costa.

Den e area di Santa Barbara autoridad local a logra detene 5 muhe y 8 homber tur tabata procedente di Venezuela.Tur e personanan indocumenta aki a wordo entrega den man di Cuerpo policial di Corsou.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio