Dakota – Diaranson marduga habitantenan pariba di Misa di Dakota a wordo lanta door di cachonan cu tawata blaf masha hopi mes.
Y tambe por a scucha basta desordo.
A resulta cu autoridad a drenta un cas situa den Papayastraat.
A usa team di aresto pa haci e trabou, paso segun autoridad e dos hombernan aki ta sumamente peligroso.
Den oranan di mainta KPA a manda informacion relaciona cu e caso aki.
“Awe madruga enconexion cu un investigacion andando a detene dos homber di nacionalidad Hulandes cu ta R.F y D.R. Nan ta wordo sospecha di un atraco recien. Ta considera e hombernan aki sumamente peligroso pa es motibo a hasi uso di team pa detene e sospechosonan aki. E detencionnan a tuma luga na 2 diferente cas den area di Dakota. No ta descarta mas detencion den e investigacion aki. Tambe a confisca un vehiculo pa mas investigacion.
Pa Cuerpo Policial por resolve mas caso cooperacion di pueblo di Aruba ta hopi importante pesey nos ta pidi si bo tin cualkier informacion yama nos tiplijn di polis cu ta : 11141”.