Alto Vista – Dialuna den oranan di atardi polis a bay pura Alto Vista, pa un accidente di UTV cu hende herida.
Tawata den careda di 6’or cu un UTV Tour lo tawata yegando su final. Un pareha turista na stuur di e vehiculo a perde control y bay dal contra un palo di luz na Alto Vista.
E impacto tawata hopi duro. Ambos persona abordo a resulta herida.
Na yegada di polisnan a pidi 2 ambulance, nan no tawata di e grave esey ta loke ta mas importante.
E accidente a sosode momento cu nan lo tawata bahando di e Sero. Ora cu e accidente a sosode e Tour Operator mesora a bati alarma.
Elmar a wordo avisa pa presenta pa tira bista ariba e palo di luz, aunke esaki tawata mustra ok.
Paramediconan a prepara e heridonan y despues a sali direccion hospital cu nan.