Santo Patia: Diabierna pa 2 y 47 di merdia un preso ta huy for di KIA. E preso E.O.F. Lindeborg lo a haya un chens y ta logra huy for di KIA. Mesora autoridad ta cuminsa cu un buskeda rigoroso den bicindario di KIA y tambe ta pa pidi pa asistencia di e helicopter.
E buskeda no a dura mucho largo pa 3 or y 28, polis ta logra pone man riba Lindeborg den Yuwana Morto Complex.
Ela keda deteni y lo a wordo hiba warda di polis pa despues bolbe wordo cera bek na KIA.
Lindeborg ta un preso cu ta sintando su castigo na KIA, pa traficacion di droga, segun su persona e tin 8 luna cera y e no ta wordo bon trata na KIA, su deseo ta pa sinta su castigo na Hulanda, tambe Lindeborg a bisa no ta facil pa huy for di KIA, pero no ta imposibel tampoco.
Lindeborg tabata den cashot pa motibo di a cende un candela y na momento cu e tabata bayendo bek riba su afdeling pa lucht, elo a haya un chens y a huy. E ta cera riba e afdeling IBA, cu ta e afdeling special pa presonan cu supuestamente problemanan mental. No ta conoci si e tin di berdad problema mental of ta haci mane cu e tin problema mental. Un cos ta sigur cu e no kier keda cera na Aruba, pero kier sinta su castigo na Hulanda caminda e tin famia.
