ORANJESTAD – Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda Juwana Mortostraat cu dialuna dia 6 di mei 2019 te cu diasabra dia 11 di mei 2019 lo bay cer’e parcialmente pa asfalta e caminda.
Trabounan preparativo lo cuminsa dialuna dia 6 di mei 2019 te cu 9 di mei 2019 y diabierna dia 10 di mei y diasabra dia 11 di mei 2019 lo asfalta e caminda.
E caminda cu lo asfalta ta di Juwana Mortostraat #72 te cu Mount Scenerystraat #41.
Lo indica e ruta alternativa cu baricadanan y borchinan di aviso y e orario di ceramento lo ta di 8’or di mainta pa 4’or di atardi.
En conexion cu e trabounan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.
