Rudy Richardson (MEP): “Dia di Surinam 2019 ta pa estrecha e lasonan di amistad, hermandad y fraternidad di un pa otro”

Den mi calidad di Comisario di Inclusion y Integracion di Movimiento Electoral di Pueblo (MEP) den nomber di nos Prome Minister y Lider di MEP Sra. mr. Evelyn Wever Croes nos ta felicita tur Surnameño riba Dia di Surinam, Diaranson 1 Mei, 2019. Como un organisacion politico social democrata nos ta estrecha e lasonan historico, social y cultural cu nos rumannan di Surinam riba e dia special aki. Alabes nos kier a invita nos digno pueblo pa apoya e dia aki na Stadion Frans Figaroa di 11’or di mainta te cu 8’or di anochi. Cu e actividad aki nos por estrecha e lasonan di amistad, hermandad y fraternidad di un pa otro. Un feliz Dia di Surinam di parti e gran famia di Movimiento Electoral di Pueblo. Un abrazo fraternal!