ORANJESTAD – Hopi ta esnan cu tin un reto cu conocemento y habito ora ta yega na tin un bon maneho di nan finansas. Bida no ta solamente trata di e presente, pero nos mester pensa riba mayan y accesa un bon planeamento. Uno, cu ta alcansabel y disponibel. Pregunta ta, con? Kico ta e structura mas practico cu mi por usa, cu lo mehora mi situacion presente y cu lo funciona miho pa construi mi futuro y e futuro di mi famia?
Aki ta bon pa considera tuma contacto cu un ‘Financial Coach’ – Entrenado Financiero. Kico ta un Entrenado Financiero? “Si bo tin mester ayudo pa pone bo finansas na ordo y siña presupuesta, un Entrenado Financiero ta e miho persona pa yuda bo durante e proceso aki,” Francis Groeneveldt, Entrenado Financiero di Lead2Success ta splica.
“Un Entrenado Financiero ta diferente di otro profesionalnan financiero. Nan ta hinca mas tempo pa yuda nan cliente compronde e cosnan fundamental di finansas enbez di recomenda inversionnan of maneha portfolionan manera un Consehero Financiero, na ingles yama, Financial Advisor.”
“Un Entrenado Financiero ta yuda nan cliente maneha nan placa. Nan ta traha cu cliente cu por tin un mal relacion cu placa of cu tin otro obstaculonan cu ta stroba nan pa maneha nan finansas bon. E meta ta pa yuda nan cliente desaroya habitonan sano, cu lo hibanan na un bida financiero cu ta sostenibel,” Groeneveldt ta bisa.
“Entrenadonan Financiero ta educa nan clientenan riba e fundamento basico di finansas personal y ta traha hunto cu nan pa crea un plan financiero cu ta refleha e cliente su metanan. E prome paso ta construi concientisacion tocante nan habitonan actual, usualmente door di midi e gastamento di placa a base diario, semanal y mensual. E sigiente paso ta pa defini e cliente su metanan, sea ta door di diseña un presupuesto, crea un fondo pa emergencia of paga debe. E Entrenado Financiero lo yuda cliente desaroya plannan pa alcansa nan metanan, y e ora actua como un socio di control segun clientenan ehecuta nan plan. Tambe nan ta motiva nan cliente pa asumi responsabilidad pa nan desicionnan y provee cuenta segun nan cliente ta implementa locual nan a siña.”
Entrenado Financiero ta traha cu nan clientenan riba un termino di varios siman. “Hopi biaha, nos ta topa cu e cliente seminal of cada pasa un siman pa provee conseho y controla e proceso. Henter e proceso ta consisti di varios paso. Pa mas o menos dentro di un termino di seis pa diesdos luna e cliente mester a mehora nan educacion financiero y ta mas cerca di logra nan meta financiero.”
Pa esnan cu ta desea pa haya guiya den nan proceso di sali for di debe y crea un plan financiero sostenibel pa nan mes y nan famia por asisti e sesion ‘gratis’ di Lead2Success tumando luga dia 2 di mei binidero, titula, 2019 Financial Freedom cu ta tuma luga na sala di HopeAruba, por registra riba nan website www.lead2succes.net. Tambe por tuma contacto cu Entrenado Financiero, Francis Groeneveldt di Lead2Success na 5934535.