San Nicolas – Tobelstraat – Diamars mainta pa mas o menos 10’or informacion a drenta cu a haya un dama sin bida den un cas na Tobelstraat. Despues di un rato a bira obvio cu no tawata trata di morto natural.
Autoridadnan competente a wordo poni na altura, y mesora a start un investigacion.
Algun rato despues ta detene un homber, cu lo ta tata di e 2 yiunan di e dama cu a wordo haya sin bida.
E sospechoso Kenny Dirksz ta wordo deteni den area di Zeewijk, un rato prome cu esey polis a haya su vehiculo y a confisca esaki tambe.
Pa loke ta e victima N Kock, por mira e imagennan di famianan y tambe bisiñanan cu tawata presente momento cu a sali cu su curpa sin bida.
Sigur un momento hopi duro.
8 luna atras na cuminsamento di augustus 2018 e dama Anoushka Tromp tambe a perde su bida debi na golpinan ricibi di su pareha.