ORANJESTAD – Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda Sero Pita, cu diamars dia 23 di april 2019 te cu 10 di mei 2019 lo bay cer’e parcialmente pa nos cuminsa cu trabounan preparativo y despues asfalta e caminda.
Trabounan preparativo lo cuminsa diamars 23 di april 2019 y nos lo asfalta e prome fase dialuna dia 29 y diamars 30 di april 2019. Fase 2 ta cuminsa cu trabounan preparativo diamars dia 2 di mei 2019. Lo asfalta dia 9 y 10 di mei 2019. E caminda cu lo asfalta lo ta di Sero Pita 45k te cu Sero Pita 48c.
Ruta alternativa lo keda indica cu borchi y baricadanan di aviso y e orario di ceramento lo ta di 8’or di mainta pa 4’or di atardi.
En conexion cu e trabounan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.