Yamanota – Diahuebs anochi den careda di 9’or por a mira y tende masha hopi polis cu sirena y zwaailicht den Santa Cruz.
Algun minuut prome un patruya lo a haye envolvi den un boksmento na Yamanota. Parse cu un chauffeur burachi na stuur di un Hyundai Getz a dal contranan.
Segun e polisnan e Getz lo a hala of core ariba su banda robes y dal e patruya.
Den e boksmento e homber lo a resulta levemente herida.
Pa e motibo aki e agentenan lo a pidi pa refuerso, no ta conoci si e homber lo a lanta contranan.
Polisnan a pidi Ambulance na e sitio pa Paramediconan controla e homber, cu lo tawata herida.
E polisnan mes tawata ok.
A pidi tambe pa patruya di trafico na e sitio.
Esaki ta di dos patruya cu ta hayanan mes envolvi den accidente di trafico. Esun prome den e siman aki tawata na Cura Cabay.
Ambos auto ta drecha, pero no ta conoci si responsabilisa e agentenan pa e daño material ora nan ocaciona un accidente na e Dienstwagen.