Wilhelminastraat – Diasabra 13 di april 6’or mainta Warda di Polis den Wilhelminastraat lo ta cera te diamars 16 di april 6’or di mainta.
Algun dia tras ariba 8 y 9 di april samples di e aire di e edificio actual a wordo tuma, y esaki a wordo manda Merca. Na Merca nan lo bay haci test, y eynan lo mira con dañino e aire y schimmels ta pa e polisnan trahando eyden tin biaha pa 16 ora largo.
Manera nos a publica caba, e edificio otro banda ta birando un ruina y tambe tawata pata pata di schimmels. Hasta ta pensando cu esaki lo por a causa salud caba di 3 agente di rango, unda uno ta na Colombia actualmente pa e mesun sorto di tumor cu su otro coleganan a haya.
Ariba weekend un compania lo tin e tarea pa haci un clean up completo y tambe algun reparacion necesario na e edificio. Esta lo limpia e sistema di aire y busca unda por tin leaknan.
Pues durante e weekend aki districto 1 cu ta Playa lo bay Wayaca 31, unda KPMG tawata. Pa esnan cu no sa Cars carwash bay zuid.
E parti mas importante cu polisnan lo haya problema cune, lo bay ta comunicacion.
Esaki ta conta tanto pa Portofoonnan y tambe telefoonnan di KPA mes.
Lo no tin wifi y tampoco un netwerk.