Wayaca – Diamars anochi algo pasa di 8’or informacion ta drenta cu na Wayaca unda tin apartamento a haya un dama tur na sanger.
Mesora polis a bay e sitio, y berdad ta topa cu hende muhe seriamente maltrata y na sanger.
Segun informacionnan, e dama di baina tawata corda kiko tur a pasa. Esaki debi cu muy probablemente elo a bay for di tino pa un rato.
Ambulance tambe tawata caminda.
Polisnan a pensa cu e agresor na e momento ey lo ta den apartamento. Aki nan tawata referi na e dama su partner.
Pero paden no tawata tin niun hende.
Paramediconan cu a yega por a constata cu e dama tawata golpia casi tur caminda di su curpa, tambe por a nota hopi rasca.
Indicando cu elo por a wordo lastra.
Departamento di recherche y tambe bfto a wordo notifica di e maltrato serio aki.
E dama a wordo hiba hospital.