Home Police Un biaha mas turista ta accidenta cu Quadracer, e biaha aki ta...

Un biaha mas turista ta accidenta cu Quadracer, e biaha aki ta den Parke Arikok

Parke Arikok – Diamars merdia polis a wordo informa di un accidente serio di Quadracer den Parke Arikok.

Na yegada di polis a constata cu lo ta un famia cu tawata bayendo Offroad.
E victima lo a wordo yuda door personal di Parke pa yega mas cerca posibel di unda e edificio ta, esta casi na e entrada.

Polis a constata un kap basta grandi y serio na cabes di e turista. Esaki lo tawata sangra hopi
Algun persona cu tawata eybanda a yuda pa tapa e solo fuerte y tambe pa stof.

Mientrastanto Ambulance tawata na caminda.

Na yegada Paramediconan mesora a cuminsa atende e turista, y pa despues sali direccion Hospital.
Polis na e sitio tawata compila tur informacion di esnan envolvi.

Manera den otro casonan di tantisimo biaha cu turistanan ta accidenta sea cu UTV of Quadracer, ta door cu nan ta bay haci wega cu e vehiculonan aki.

Kizas nunca antes nan a maneha un di e vehiculonan, y ta wordo sorprendi di loke nan por haci cubo.